Getxophoto argazki jaialdiarekin elkarlanean The Baldek Txikiteroak izeneko argazki erakusketa antolatu du. Yosigo izenez ezaguna den Jose Javier Serrano (1981) argazkilari donostiarrak 2011. urteko abuztuan Getxon eta Bilbon ateratako polaroid argazkiek osatzen dute erakusketa. Erakusketak egutegi honen bidez 2012 osoan zehar biziraungo du edozein taberna, etxe, denda, bulego edo paretetan. Egutegiaren diseinuak argazkiei protagonismoa ematen die, baita polaroid formatua nabarmendu ere.